OGNIR til sølu/leigu

Ognir í Vestmanna til sølu


BYGDARRÁÐSFUNDIR

Fundarskrá til 11.12.2019

LÝSINGAR

-

Vestmanna Sangkór 40- ára hátíðarkonsert í Vestmanna Kirkju leygarkvøldið 30. november

28.11.2019

40-ára hátíðarkonsert í Vestmanna leygarkvøldið

Nú Vestmanna Sangkór hevur verið virkið í 40 ár, verður tað hátíðarhildið við konsert í Vestmanna Kirkju leygardagin tann 30. novembur kl. 19. Hetta er á sjálvum degnum fyri 40 árum síðani, tá nýstovnaða Vestmanna Sangkór hevði síni fyrstu almennu framførslu.

Á skránni verður eitt fjølbroytt úrval av nýggjum og klassiskum føroyskum og enskum kórsangum, harí nakrir fáir jólasangir.Ein frumframførsla er á skrá og eisini eru tveir aðrir spildurnýggir sangir. Tónasmiðirnir eru m.a. Kári Bæk, Teitur Lassen, Knút Olsen umframt klassisk tónaskøld sum G.F. Handel, Thomas Tallis og Gustav Holst.

Tað var Uffe Bærentsen, sum í 1979 tók stig til at stovna Vestmanna Sangkór. Frammanundan hevði verið kór í Vestmanna eitt tíðarskeið í seksti-árunum undir leiðslu av Òlavi Hátún. Men síðan 1979 hevur kórið verið virkið uttan slit nú í 40 ár. Fyrsti kórleiðarin var sum sagt Uffe Bærentsen. Eftir hann vóru m.a. danirnir Nina Kastrup og Asger Pallesen, sviirnir Per Mjørnemark og Anki Dýrdarklett o.o. Men tað er Kári Bæk, sum hevur longstu tíðina sum kórleiðari og hevur lagt tann vakra grundtónan í sangin hjá vestmannakórinum. Ringt var at koma eftir Kára, men tað hjálpti, tá kórið fyrst fekk Leif Hansen eitt stutt skeið og nú hesi seinni árini Benjamin Gaasedal.

Umframt vanligu vár-, heyst- og jólakonsertirnar er kórið virkið við nógv serlig høvi og um høgtíðir í Vestmanna og í felagstiltøkum sum t.d. árligu kórstevnurnar.

Vestmanna Sangkór ferðast eisini oftani uttanlands við føroyskum og norðurlendskum kórtónleiki, í Danmark og Noregi, í Orkney og Írlandi, á baltiskum-norðurlendskum kórfestivali í Riga í Lettlandi, í Edinburgh og nú í apríl 2019 í Berlin.

Kórið bjóðar øllum at vera hjartaliga vælkomin til hátíðarkonsertina leygarkvøldið í tí vælljómandi kirkjuni í Vestmanna.